ម៉ូតផែនទីកម្ពុជា គ្រងដោយព្រះនាងតូច ជេនណា ពិតជាស្អាតប្លែកស័ក្តិសមឥតខ្ចោះ

ម៉ូតសម្លៀកបំពាក់ថ្មីមួយបែប​ទៀត​ហើយដែលព្រះនាង ជេនណា លើកយកមកគ្រង​បង្ហាញដល់​មហាជន គឺម៉ូតសម្លៀកបំពាក់ច្នៃថ្មីឈ្មោះថា មាតុភូមិកម្ពុជាដ៏អស្ចារ្យនៃយើង ច្នៃដោយស្នាដៃកូនខ្មែរ។

ម៉ូតថ្មី​នេះត្រូវបានច្នៃឡើងដោយកំណាត់ប៉ាក់​ ជារូបរាងផែនទីនៃព្រះរាជាណាចក្រកម្ពុជា និងព្រំប្រទល់​ទាំង ២៥ខេត្តក្រុង​របស់កម្ពុជាផងដែរ។ ជាមួយគ្នានេះព្រះនាងតូច ជេនណា ក៏​បាន​រំលេចសារថាសព្វព្រះរាជហឬទ័យចំពោះឈុតនេះខ្លាំងទៀតផង។

“ប្លែក និងពិសេសណាស់ ម៉ូតសម្លៀកបំពាក់ច្នៃថ្មីឈ្មោះថា មាតុភូមិកម្ពុជាដ៏អស្ចារ្យនៃយើង!ខ្ញុំមានអារម្មណ៍ប្លែក និងរំភើបអស្ចារ្យ ពេលដែលបានគ្រងឈុតមួយនេះ។ បងប្អូនទាំងអស់មានអារម្មណ៍ដូចខ្ញុំដែររឺទេ? អ្វីដែលគួរអោយចាប់អារម្មណ៍សម្រាប់ខ្ញុំ គឺ ក្រណាត់ប៉ាក់បានត្រូវជាងចំណានច្នៃឱ្យចេញជារាងផែនទីនៃប្រទេសកម្ពុជា និងខណ្ឌព្រំប្រទល់ខេត្តទាំង២៥របស់កម្ពុជាយើងថែមទៀត”។

“ខ្ញុំសូមអរគុណ និងសរសើរអស់ពីចិត្តចំពោះការច្នៃប្រឌិតដ៏ប្លែកភ្នែក ប្លែកអារម្មណ៍មួយនេះ។ ខ្ញុំសូមលើកទឹកចិត្តបងៗដោយការគាំទ្រពេញទំហឹងចំពោះការច្នៃម៉ូតសម្លៀកបំពាក់បូរាណខ្មែរក្នុងការច្នៃប្រឌិតខ្ពស់ ប្លែកភ្នែក តែរក្សាអត្តសញ្ញាណនៃព្រលឹងជាតិយើង ដោយមិនចម្លងពីបរទេស” នេះជាសារទាំងស្រុងដែល​ព្រះនាង​បាន​បង្ហោះ​មុននេះ៕

ហាមលួច​ចម្លងអត្ថបទ​​ពីវេបសាយ Khmer-Global.com ដោយគ្មាន​ការ​អនុញ្ញាត
Loading...
error: ហាមលួចចម្លងគ្មានការអនុញ្ញាត!